Bħala parti mir-reviżjoni tal-Istrateġija 2025 u t-tfassil taċ-ċiklu strateġiku li jmiss li ser iwassal sal-2030, il-Kunsill Malti għall-Arti qed jistieden lil kull min hu iteressat jieħu sehem f’dan l-istħarriġ ta’ 7 minuti sabiex jirrifletti fuq ir-riżultati ewlenin tal-gruppi ta’ fokus li saru ftit tal-ġimgħat ilu u li qed jispiraw id-dokument ta’ Strateġija 2030 li se jiġi ppubblikat għall-konsultazzjoni pubblika fil-ġimgħat li ġejjin.
L-għan prinċipali, hekk kif qed ifiġġ minn dan il-proċess, huwa li jintlaħaq livell sostenibbli ta’ professjonalizzazzjoni fl-industriji u s-setturi kulturali u kreattivi (CCIS) billi jitħaddnu l-valuri li ġejjin u jiġu indirizzati l-prijoritajiet elenkati hawn taħt:
Valuri:
- L-Ekwità u l-Ġustizzja Soċjali
- Il-Governanza Tajba
- Il-Kollaborazzjoni
- L-Innovazzjoni
Prijoritajiet (kif espressi mill-impenji li ġew sottoskritti fil-Karta dwar l-Istatus tal-Artist u l-kampanja tad-Dritt għall-Kultura promossa mill-Kunsill Malti għall-Arti):
- L-Infrastruttura (spazji, faċilitajiet, kif ukoll aspetti legali u finanzjarji)
- ll-Finanzjament u l-Ftuħ għall-Finanzjament (setturi pubbliċi u privati)
- L-Istatus tal-Artist u s-sostenibbiltà fil-kundizzjonijiet ekonomiċi (l-ekwità, il-libertà ta’ espressjoni u d-drittijiet)
- Il-Kreattività u l-Ekonomija (mill-formi tradizzjonali sa mudelli innovattivi ta’ negozju u investiment, kif ukoll l-użu ta’ għodod diġitali u AI)
- Il-Komunitajiet Kreattivi u d-Dinamiċi Soċjali (inkluża d-diversità, l-aċċessibbiltà u l-aċċess)
- L-Edukazzjoni, l-Iżvilupp u l-Innovazzjoni (inkluż it-taħriġ u t-tkattir tal-ħiliet)
- Id-Dimensjoni Internazzjonali
Jekk jogħġbok aċċessa l-istħarriġ hawn: https://forms.office.com/e/TNvJEi09RN
Il-ħin limitu biex tlesti l-istħarriġ huwa t-21 ta’ Ottubru.
Dan l-istħarriġ qed isir minn PKF Malta Limited bħala parti mill-proċess ta’ konsultazzjoni pubblika għall-Istrateġija 2030 tal-Kunsill Malti għall-Arti.
