Midalja mogħtija lill-aktar kontribut eċċellenti b’mod ġenerali
Kummissarju: Il-Kunsill Malti għall-Arti
It-Tim Kreattiv ta’ URNA: Andrew Borg Wirth, Anthony Bonnici, Matthew Attard Navarro, Thomas Mifsud, Anne Immelé, Stephanie Sant, Tanil Raif
It-Tim tad-Direttorat tar-Relazzjonijiet Kulturali Internazzjonali fil-Kunsill Malti għall-Arti: Annabelle Stivala, Kap Eżekuttiv tad-Direttorat; Dr Romina Delia, Kap tar-Relazzjonijiet Kulturali Internazzjonali; Gracelynn Attard, Eżekuttiv tal-Appoġġ għar-Relazzjonijiet Kulturali Internazzjonali; Frederick Testa, Direttur Awdjoviżiv; u Dr Frank Psaila u Terence Cutajar (Proġetti Internazzjonali ta’ Marketing u Relazzjonijiet Pubbliċi)
https://www.urnaproject.com | @urna.project
Il-Kunsill Malti għall-Arti bi pjaċir iħabbar li URNA – proġett minn tim kreattiv kollaborattiv li jinkludi lil Andrew Borg Wirth, Anthony Bonnici, Matthew Attard Navarro, Thomas Mifsud, Anne Immelé, Stephanie Sant u Tanil Raif – rebaħ il-Midalja tal-Biennale tad-Disinn ta’ Londra 2025 għall-aktar kontribut eċċellenti b’mod ġenerali.
Billi jeżemplifika b’mod perfett u jgħaqqad l-innovazzjoni u l-kreattività tad-disinn flimkien ma’ stħarriġa iżjed spiritwali profonda, URNA hu proġett innovattiv illi jispekula dwar ġejjieni radikali għall-adozzjoni tal-kremazzjoni f’Malta. Il-proġett jistħajjel ritwal ġdid għall-ġestjoni tal-fdalijiet umani billi jimmaġinah bħala proċess kulturalment sinifikanti.
Maħsuba minn tim kreattiv ta’ periti, disinjaturi, kuraturi u diretturi artistiċi, URNA hi installazzjoni fuq skala kbira li fiċ-ċentru tagħha tinkludi sfera monumentali magħmula minn ġebla tal-ġir rikostitwita. L-installazzjoni bbażata fuq l-iskultura hi n-nukleu għal sensiela ta’ komponenti importanti oħra tal-proġett, fosthom film illi jispekula dwar il-ġejjieni possibbli ta’ ritwali madwar URNA u ktieb ta’ riċerka viżiva miktuba. Billi jibbaża ruħu fuq ir-rabtiet storiċi ta’ Malta mal-ġebla tal-ġir u s-sinifikat kulturali tagħha dan ix-xogħol jissimbolizza l-intersezzjoni bejn il-patrimonju, is-sostenibbiltà u t-trasformazzjoni.
It-tim kollaborattiv ta’ URNA, magħmul minn Andrew Borg Wirth, Anthony Bonnici, Thomas Mifsud, Matthew Attard Navarro, Anne Immelé, Stephanie Sant u Tanil Raif, stqarru: “URNA ġejja minn Malta iżda hi għad-dinja kollha. Għandha ambizzjonijiet globali u universali. Din ir-rebħa tafferma l-qawwa kwieta ta’ dak illi ddeċidejna li nagħmlu b’URNA, jiġifieri li noħolqu spazju fejn il-mewt, il-memorja u l-materjal jiġu ttrattati b’sensittività, b’kuraġġ u b’immaġinazzjoni.”
Owen Bonnici, Ministru għall-Kultura, l-Artijiet u l-Gvern Lokali ddeskriva URNA bħala proġett kuraġġuż, awdaċi u provokattiv filwaqt li qal li dan hu sewwasew dak li għandha tkun l-arti: attività li tisfida l-istatus quo.
Albert Marshall, President Eżekuttiv tal-Kunsill Malti għall-Arti feraħ lit-tim għall-ħidma iebsa u d-dedikazzjoni tiegħu u għal dan il-premju tabilħaqq mistħoqq. Dan hu wkoll ċelebrazzjoni sabiħa għall-10 anniversarju tal-Kunsill Malti għall-Arti. Il-proġett URNA għandu element Malti qawwi għax juża l-pajsaġġ lokali u teknoloġiji innovattivi tal-materjali fil-ġebla tal-ġir rikostitwita, ir-riżorsa naturali unika ta’ Malta. B’hekk URNA hu wkoll proġett ekoloġikament sostenibbli.
URNA jirrappreżenta l-parteċipazzjoni uffiċjali ta’ Malta fil-Biennale tad-Disinn ta’ Londra 2025. Il-proġett hu r-riżultat ta’ sforz kollaborattiv bejn il-Kunsill Malti għall-Arti, bosta kreattivi Maltin u istituzzjonijiet internazzjonali ewlenin.
Il-Kunsill Malti għall-Arti, taħt l-awspiċi tal-Ministeru għall-Kultura, l-Artijiet u l-Gvern Lokali mmexxi mill-Ministru Dr Owen Bonnici, hu l-Kummissarju tal-Paviljun ta’ Malta għall-Biennale tad-Disinn ta’ Londra
https://www.artscouncilmalta.org
Dikjarazzjoni tal-Artisti:
URNA hu proġett mislut minn kuntest: mistħajjel li msawwar mill-ġebla tal-ġir u mqiegħed ġo barrieri Maltin illi m’għadhomx jintużaw. Madankollu fl-universalità tiegħu l-kunċett ta’ URNA ser ikun jista’ jadatta ruħu għal kulturi, pajsaġġi u materjali differenti ħalli nkunu nistgħu nistħajlu ritwali kompletament differenti f’postijiet differenti iżda lkoll mibnija fuq l-istess pedament. “Id-disinn,” spjega l-kuratur Andrew Borg Wirth, “jeħtieġ iwassal xewqat interni fi ħdan forzi esterni li, fl-aħħar mill-aħħar, hu l-ħsieb fundamentali wara t-tema magħżula għall-Biennale ta’ din is-sena mid-Direttur Artistiku Samuel Ross – Surface Reflections.”
Il-proġett mhux biss involva ruħu fi ħdan il-pjattaforma tal-esebizzjoni, iżda qiegħed joħloq ukoll programm pubbliku li diġà organizza sensiela ta’ workshops u taħditiet fl-Università ta’ Malta. Aktar inizjattivi flimkien ma’ istituzzjonijiet differenti ser ikomplu jsiru matul il-perjodu taż-żmien tal-proġett.
F’dan il-proġett it-tim gawda l-appoġġ tal-isponsor ewlieni Halmann Vella permezz tal-użu ta’ materjal ġdid tal-ġebel rikostitwit bl-użu ta’ trab tal-ġebla tal-ġir minn Malta. B’dan il-mod it-tim qiegħed jgħaqqad l-avvanz teknoloġiku kontemporanju Malti ma’ temi politiċi u kulturali urġenti. It-tim ser juri r-riċerka tiegħu dwar pajsaġġi tal-ġebla tal-ġir u postijiet ta’ dfin mill-Mediterran.
Dikjarazzjoni tal-Kummissarju:
Il-Biennale tad-Disinn ta’ Londra hi esebizzjoni internazzjonali li tinkludi disinn, innovazzjoni u kreattività fil-livell globali minn bosta pajjiżi. Din tagħti pjattaforma eċċellenti lill-periti u lid-disinjaturi Maltin biex juru l-kreattività tagħhom globalment filwaqt illi jidħlu f’konnessjoni ma’ disinjaturi mid-dinja kollha.
NOTI LILL-EDITURI:
Għal mistoqsijiet mill-midja internazzjonali jekk jogħġbok ikkuntattja lil Alex Finch u Robyn Deane (Margaret London): alex@margaretlondon.com / robyn@margaretlondon.com.
Għal mistoqsijiet lill-midja Maltija jekk jogħġbok ikkuntattja lil maria-angela.vassallo.2@artscouncil.mt
AKKREDITAZZJONI TAL-ISTAMPA
Biex taċċessa l-materjal tal-istampa jew iżżur il-London Design Biennale jenħtieġ trid tkun akkreditat uffiċjalment permezz tal-proċess ta’ akkreditazzjoni tal-midja tal-LDB.
KUMMISSARJU
Kunsill Malti għall-Arti
IT-TIM
Kurazzjoni
Andrew Borg Wirth, Kuratur
Disinn
Anthony Bonnici, Perit
Thomas Mifsud, Perit
Tanil Raif, Perit
Komunikazzjoni u Immaġni
Matthew Attard Navarro, Komunikazzjoni u Immaġni
Anne Imele, Fotografa
Stephanie Sant, Produttriċi tal-Films
Vidjografija
Sam Chetcuti
IL-KUNSILL MALTA GĦALL-ARTI
Il-Kunsill Malti għall-Arti hu l-aġenzija nazzjonali ta’ Malta għall-iżvilupp u l-investiment fis-setturi kulturali u kreattivi. Il-kompitu prinċipali tiegħu hu li jiffinanzja, jappoġġa u jippromwovi s-Setturi Kulturali u Kreattivi ta’ Malta fil-livelli lokali u internazzjonali. Id-Direttorat tar-Relazzjonijiet Kulturali Internazzjonali fi ħdan il-Kunsill Malti għall-Arti hu responsabbli mit-tmexxija tal-proġetti tal-parteċipazzjoni ta’ Malta f’diversi Biennali tal-Arti madwar id-dinja, fosthom il-parteċipazzjoni ta’ Malta fil-Biennale tal-Arti ta’ Venezja, il-Biennale tal-Arti ta’ Gwangju u l-Biennale tad-Disinn ta’ Londra.
L-Evalwaturi, f’isem il-Kunsill Malti għall-Arti għall-għażla tal-Paviljun ta’ Malta fil-Biennale tad-Disinn ta’ Londra 2025 kienu:
Angela Bourderye-Munoz, esperta fid-diplomazija kulturali, li ilha sservi bħala l-Maniġer tar-Relazzjonijiet Esterni u tal-Avvenimenti fil-Biennale tad-Disinn ta’ Londra mill-2022.
Adrian Mamo, perit u d-direttur artistiku attwali tat-teatru nazzjonali ta’ Malta t-Teatru Manoel.
Andre Pizzuto, President tal-Kunsill tal-Kamra Maltija tal-Periti u l-Inġiniera Ċivili.
Is-sessjoni ta’ evalwazzjoni kienet immoderata minn Dr Romina Delia, Kap tar-Relazzjonijiet Kulturali Internazzjonali fil-Kunsill Malti għall-Arti
SOSTENITURI
Il-Kunsill Malti għall-Arti (Kummissarju), Halmann Vella, l-Awtorità tat-Turiżmu ta’ Malta, l-Università ta’ Malta, Harvard Graduate School of Design*, Malta Enterprise, Gasan Foundation, Visit Malta, KM Malta Airlines, l-Ambaxxata ta’ Franza f’Malta.
IL-BIENNALE TAD-DISINN TA’ LONDRA
Imwaqqaf fl-2016 minn Sir John Sorrell CBE u Ben Evans CBE, il-Biennale tad-Disinn ta’ Londra jippromwovi l-kollaborazzjoni internazzjonali u r-rwol globali tad-disinn. Sa mill-bidu tiegħu, il-Biennale laqa’ l-aktar disinjaturi, innovaturi u korpi kulturali eċċitanti u ambizzjużi fid-dinja fil-kapitali. Il-ħames Biennale tad-Disinn ta’ Londra ser isir bejn il-5 u d-29 ta’ Ġunju 2025. Dr Samuel Ross MBE tħabbar bħala d-direttur artistiku tal-Biennale tad-Disinn ta’ Londra 2025. It-tema magħżula minnu ser tkun ‘Surface Reflections’. Din ser tesplora kif l-ideat jiġu ffurmati bl-istess mod minn esperjenzi interni u influwenzi esterni. Billi jieħdu f’idejhom Somerset House kollha, inklużi l-Edmond J. Safra Fountain Court u x-Xmara Terrace, parteċipanti mid-dinja kollha ser jiġu mistiedna jimmaġinaw u jwettqu forom ġodda ta’ koperazzjoni u parteċipazzjoni internazzjonali, anke ma’ xulxin permezz tal-mezz tad-disinn. Il-Kumitat Konsultattiv Internazzjonali u l-Ġurija tal-Biennale tad-Disinn ta’ Londra jinkludu lil: Paola Antonelli, Rashid u Ahmed bin Shabib, Victoria Broackes, Ben Evans CBE, Dylan Jones OBE, Suhair Khan, Prof. Jeremy Myerson, Charlene Prempeh, Tosin Oshinowo, Jonathan Reekie CBE, Dr Christopher Turner u Ana Yang.
SOCIAL MEDIA
Il-Kunsill Malti għall-Arti – @artscouncilmalta
Andrew Borg Wirth, Kurator – @aborgwirth
Anthony Bonnici, Perit- @anthony__bonnici + @ebejerbonnici
Thomas Mifsud, Perit- @tmsmifsud + @ebejerbonnici
Matthew Attard Navarro, Direttur Artistiku – @attardnavarro + @ancc.studio
Stephanie Sant, Produttriċi tal-Films- @stephaniesaint
Anne Imele, Fotografa – @anneimmele
Tanil Raif, Perit – @tanilraif Jean Vella – @jvel117 + @halmann_vella
