Is-sessjoni se tiffoka fuq l-arti, il-kultura u s-settur kreattiv fi ħdan l-erba’ pilastri strateġiċi tal-viżjoni ta’ Malta għall-2050.
Il-Kunsill Malti għal-Arti qed iħeġġeġ lill-membri tal-pubbliku biex jattendu u jikkontribwixxu l-fehmiet tagħhom dwar il-viżjoni fit-tul ta’ Malta għall-2050 waqt sessjoni ta’ konsultazzjoni ddedikata u ffukata fuq l-arti, il-kultura u s-settur kreattiv.
Is-sessjoni se tesplora kif is-settur jista’ jkollu rwol ċentrali fl-iżvilupp ta’ erba’ pilastri strateġiċi għal Malta: 1. Tkabbir Ekonomiku Sostenibbli
2. Servizzi Aċċessibbli u li jqiegħdu liċ-Ċittadin fiċ-ċentru
3. Pajjiż Reżiljenti u Sistema ta’ Edukazzjoni Moderna
4. Użu Intelligenti tal-Art u l-Baħar Bil-parteċipazzjoni tiegħek, se jinġabar tagħrif siewi mingħand prattikanti, partijiet interessati u l-pubbliku usa’ biex jiġi żgurat li l-qafas finali jirrifletti l-ħtiġijiet u r-realtajiet tas-setturi kulturali u kreattivi ta’ Malta għal ENVISION2050.
Is-sessjoni ta’ konsultazzjoni se ssir fit-22 ta’ Settembru fis-17:00 fl-Aula Magna, l-Università ta’ Malta, il-Kampus tal-Belt Valletta. L-attendenza hija bla ħlas, iżda l-parteċipanti huma mitluba u meħtieġa jikkonfermaw il-preżenza tagħhom billi jibagħtu email fuq rsvp@artscouncil.mt.
Aktar informazzjoni dwar il-proċess ta’ konsultazzjoni hija disponibbli fuq https://artscouncilmalta.gov.mt u fuq www.envision2050.gov.mt.
