ARTIVISTI huwa kollaborazzjoni transsettorjali bejn il-Kunsill Malti għall-Arti u Aġenzija Żgħażagħ. Dan
jifforma parti minn portafoll ta’ inizjattivi maħsuba biex jiġi mmassimizzat il-potenzjal tat-tkabbir
kreattiv ta’ Malta permezz ta’ investiment fl-eċċellenza fis-setturi kulturali u kreattivi ta’ Malta, billi
jiġu inkoraġġuti aktar opportunitajiet ta’ karriera fis-setturi, bl-iffaċilitar tal-iskambju kulturali, kif ukoll
bil-promozzjoni tal-inklussività u l-parteċipazzjoni kulturali attiva.

ARTIVISTI huwa marbut mal-implimentazzjoni tal-Politika Nazzjonali taż-Żgħażagħ u tal-istrateġija
attwali tal-Kunsill Malti għall-Arti, b’enfasi partikolari fuq li jiġu pprovduti aktar opportunitajiet biex iżżgħażagħ
ikunu iżjed attivi fis-soċjetà billi jinvolvu ruħhom fil-kreattività u jiżviluppawha.

Il-programm ġie żviluppat biex iħeġġeġ lill-artisti żgħażagħ irawmu fokus fuq li jġibu bidla u jħallu
impatt fuq is-soċjetà permezz tal-arti u l-kreattività. Il-programm ġie ddisinjat biex jipprovdi l-inċentiv
neċessarju lill-ARTIVISTI żgħażagħ u jappoġġja l-parteċipazzjoni tagħhom f’impenji kreattivi, billi
jipprovdi opportunitajiet għal tkabbir kreattiv.

ARTIVISTI għandu l-għan li:

• Jidentifika u jirrikonoxxi t-talent żagħżugħ eċċezzjonali
• Irawwem ir-responsabbiltà soċjali permezz tal-arti u l-kreattività
• Iservi bħala pjattaforma għall-ħsieb kritiku, l-innovazzjoni, u r-riċerka bbażata fuq il-prattika
• Jinvesti fit-trasformazzjoni permezz tal-għarfien, il-ħiliet, l-attitudnijiet, il-valuri u l-iskambju
  kreattiv.

Rekwiżiti konformi mal-Istrateġija tal-Kunsill Malti għall-Arti

F’konformità mal-impenn tiegħu li jappoġġja l-arti permezz tal-approċċ sostenibbli u responsabbli
tiegħu għall-investiment pubbliku, il-KMA jiġbed l-attenzjoni tal-applikanti għal dan li ġej f’konformità
mal-Istrateġija 2025.

L-applikanti huma mitluba jikkunsidraw id-Dritt għall-Kultura – Pakkett ta’ Riżorsi meta jizviluppaw il-proposta tagħhom b’rabta ma’ kif jimpenjaw ruħhom mal-komunitajiet u l-konsiderazzjonijiet taddrittijiet
kulturali ta’ kulħadd fix-xogħol tagħhom. Il-pakkett ta’ riżorsi għandu l-għan li jżid l-għarfien dwar l-inklussività u jappoġġja l-implimentazzjoni tad-drittijiet kulturali fil-prattika tagħna ta’ kuljum.

L-applikanti huma meħtieġa wkoll jikkunsidraw il-Karta għall-Istatus tal-Artist meta jipproponu lattivitajiet
operattivi u ta’ programmazzjoni tagħhom biex jiżguraw kundizzjonijiet tax-xogħol
aċċettabbli u deċenti għall-artisti u l-prattikanti kreattivi li jħaddnu l-libertà artistika, l-aċċessibbiltà, irrikonoxximent ta’ ħiliet formali/informali/non-formali, kundizzjonijiet soċjo-ekonomiċi deċenti, nondiskriminazzjoni u ekwità, konsiderazzjonijiet etiċi u aderenza mad-drittijiet tal-proprjetà intellettwali
u l-liġi internazzjonali tax-xogħol. Il-Karta għall-Istatus tal-Artist hija maħsuba biex tipprovdi qafas
dinamiku ta’ referenza għal kwalunkwe leġiżlazzjoni, politika, jew inizjattiva li jkollha impatt dirett jew
indirett fuq l-artisti u s-setturi kulturali u kreattivi, u tiżgura li kwalunkwe azzjoni tkun allinjata mal-viżjoni aħħarijai fit-tul li tgħolli l-istatus tal-artisti f’Malta f’konformità mal-valur tanġibbli tagħhom
għas-soċjetà.