Fil-ġimgħat li ġejjin il-Kunsill Malti għall-Arti ser jiftaħ uffiċjalment in- nominazzjonijiet għall-edizzjoni tal-2025 tal-Premju għall-Arti – l-iżjed premjijiet artistiċi prestiġjużi ta’ Malta li jiċċelebraw l-aqwa xogħolijiet mill-industriji kulturali u kreattivi ta’ Malta.
Il-Premju għall-Arti issa qiegħed isir kull sentejn, b’għażla ta’ kategoriji li jenfasizzaw l-eċċellenza f’diversi oqsma fi ħdan l-industriji kreattivi ta’ Malta, fosthom it-teatru, iż-żfin, l-arti viżiva u l-proġetti multidixxiplinari.
L-avveniment nazzjonali ta’ profil għoli jippremja l-eċċellenza fil-qasam tal-kultura u tal-arti filwaqt illi jħeġġeġ aktar professjonaliżmu u distinzjoni fi ħdan is-settur, f’konformità mal-missjoni tal-Istrateġija 2025 li tippromwovi l-avvanz tal-istatus tal-artisti u tal-prattikanti kulturali u kreattivi.
Kategoriji Kompetittivi
Din l-edizzjoni ser terġa’ tinkludi 14-il kategorija kompetittiva. Ħames proġetti ser jintgħażlu bħala finalisti għal kull waħda. Il-kategoriji huma:
- · L-aqwa programm jew staġun artistiku 2023/2024
- · L-aqwa programm jew staġun artistiku 2024/2025
- · Premju għall-eċċellenza artistika nazzjonali
- · L-aqwa xogħol għal udjenzi żgħażagħ
- · L-aqwa proġett fil-komunità
- · L-Aħjar Produzzjoni: teatru
- · L-Aħjar Produzzjoni: żfin
- · L-Aħjar Produzzjoni: arti viżiva
- · L-Aħjar Produzzjoni: multidixxiplinari
- · L-Aħjar Produzzjoni: mużika
- · L-aqwa kisba internazzjonali
- · L-aqwa intrapriża kreattiva u innovattiva
- · Premju għal prattikant kreattiv żagħżugħ
- · Premju għal prattikant kreattiv
In-nominazzjonijiet għall-kategoriji ta’ hawn taħt ser jinkludu wkoll stadju ta’ votazzjoni pubblika li jkollu piż ta’ 25%. Dawn huma:
- · L-Aħjar Xogħol għal Udjenzi Żgħażagħ;
- · L-Aħjar Proġett fil-Komunità;
- · L-Aħjar Kisba Internazzjonali.
- L-aqwa intrapriża kreattiva u innovattiva
Il-votazzjoni mbagħad tinfetaħ fi stadju aktar tard fl-2025. Kull membru tal-pubbliku hu intitolat li jivvota darba billi juża n-numru tal-karta tal-identità tiegħu.
Kategorija ta’ Unuri Speċjali
· Il-kategoriji tal-unuri din is-sena huma:
- Premju għall-Kisbiet Tul il-Ħajja Kollha
- · Premju għall-Promoturi Kulturali
- · Premju għal Legat Artistiku
In-nominazzjonijiet huma miftuħa wkoll għall-kategoriji ta’ hawn fuq. Dawn ser jiġu aġġudikati minn bord intern.
Kif tipparteċipa
Aktar informazzjoni titħabbar fil-ġimgħat li ġejjin. Għalhekk segwi s-socials tagħna u żur is-sit www.artscouncil.mt għal aktar informazzjoni.
Il-Kunsill Malti għall-Arti jħeġġeġ lill-entitajiet eliġibbli kollha biex jipparteċipaw u jgħinu biex jinxteħet dawl fuq ix-xogħol innovattiv u eċċellenti tal-artisti u tal-prattikanti kreattivi ta’ ta’ Malta u Għawdex u biex jintwera l-progress sinifikanti lejn l-eċċellenza fl-industriji kreattivi tagħna.
