Skema ta’ Finanzjament għar-Restawr

L-Iskema ta’ Finanzjament għar-Restawr timmira biex tipprovdi appoġġ finanzjarju għat-tiswija, i.e. ir-restawr u l-konservazzjoni ta’ proprjetà immobbli kulturali interna u esterna inkluż, iżda mhux limitata għal, altari, aperturi, dekor artistiku, induratura u tpinġija jew dekorazzjoni fuq uċuħ arkitettoniċi ta’ knejjes li huma fi ħdan il-konfini ta’ knisja parrokkjali li taqa’ taħt l-Arċidjoċesi ta’ Malta u d-Djoċesi ta’ Għawdex.

Il-proprjetà kulturali immobbli għandha bżonn taqa’ taħt id-definizzjoni ta’ wirt kulturali u trid tkun eżistiet għal 50 sena jew iktar skont l-Att dwar il-Wirt Kulturali ta’ Malta.

Min jista’ japplika?

L-applikant għandu jkun ir-rappreżentant legali tal-organizzazzjoni. Jekk jogħġbok kun ċert li tipprovdi n-numru tal-Organizzazzjoni Volontarja tal-organizzazzjoni tiegħek, u li tidentifika l-persuna/il-grupp ta’ persuni li jmexxu l-proġett, kif applikabbli.

L-Organizzazzjoni Volontarja għandha tkun ibbażata f’Malta jew f’Għawdex u topera fil-gżejjer Maltin. L-applikanti għandhom jikkwalifikaw bħala waħda minn dawn li ġejjin:

• Organizzazzjonijiet kulturali, f’lokalitajiet madwar Malta u Għawdex, irreġistrati bħala Organizzazzjonijiet Volontarji – inkluż, iżda mhux limitati għal klabbs, assoċjazzjonijiet u fondazzjonijiet tal-banda.
• Organizzazzjonijiet Volontarji reġistrati li jippromwovu u jippreservaw il-wirt kulturali (kemm tanġibbli jew intanġibbli) f’lokaliità jew reġjun f’Malta jew f’Għawdex.
• Entitajiet stabbiliti bil-Liġi Kanonika li għandhom digriet li jippermetti lill-Kappillan jressaq l-applikazzjoni għall-finanzjament.

Titolu tal-Arti, Isem tal-Artist, SSSS