Titolu tal-Arti, Isem tal-Artist, SSSS

Skema ta’ Appoġġ għall-Produzzjonijiet Teatrali

Invalid deadline format: 09-06-2026 12:00 pm

Skadenza

L-iskadenza biex tapplika hija 09-06-2026 fi

12:00 pm.

Applikazzjonijiet tardivi mhux se jiġu aċċettati

Applika Issa

L-Iskema ta’ Appoġġ għall-Produzzjonijiet tat-Teatru tagħmel parti mill-portafoll ta’ appoġġ tal-Kunsill Malti għall-Arti li jinvesti fil-prattiki u fil-produzzjonijiet tat-teatru u fl-iżvilupp tal-udjenzi fi ħdan is-setturi kulturali u kreattivi ta’ Malta. L-iskema tawtorizza lil individwi, gruppi, u organizzazzjonijiet biex jippjanaw, jiżviluppaw, ikunu rappreżentati, u jwasslu proġetti artistiċi konformi mal-Istrateġija 2030 tal-KMA. Fuq kollox, hija mmirata lejn il-komunitajiet u l-prattikanti kreattivi.

L-iskema għandha l-għan li tappoġġa l-objettivi tal-Istrateġija 2030 billi tara li, b’mod attiv:

  • Trawwem lill-produtturi ta’ xogħlijiet teatrali u tappoġġa l-iżvilupp tagħhom filwaqt li tħeġġeġ il-kokreazzjoni, il-kollaborazzjoni, u l-esperimentazzjoni fi ħdan il-prattika tat-teatru;
  • Tinvesti fl-eċċellenza teatrali billi tħeġġeġ lill-produtturi ta’ xogħlijiet teatrali jieħdu riskji kreattivi, jesperimentaw, u jipparteċipaw b’mod attiv mal-komunitajiet filwaqt li tappoġġa produzzjonijiet u proċessi ta’ kwalità kif ukoll tidentifika t-talent u tħeġġeġ l-iżvilupp tiegħu;
  • Tippromwovi u tappoġġa d-diversità, l-inklussività u l-iżvilupp tal-komunitajiet filwaqt li twassal għal ambjenti ta’ kollaborazzjoni, l-iżvilupp tal-għarfien, u l-qsim ta’ prattiċi tajbin;
  • Tipprovdi aċċessibbiltà għal għażla kbira ta’ esperjenzi u opportunitajiet teatrali għal gruppi żvantaġġjati sabiex ikunu jistgħu jipparteċipaw b’mod sinifikattiv permezz tat-teatru;
  • Tiffaċilita l-ħolqien ta’ pjattaformi għal żgħażagħ b’talent u b’potenzjal, l-involviment ta’ ġenerazzjonijiet differenti, kif ukoll il-parteċipazzjoni minn nies ta’ kulturi differenti permezz tat-teatru.

L-applikazzjonijiet imressqa jistgħu:

  • Jagħmlu parti minn proġett/xogħol usa’;
  • Ikunu proġetti awtonomi;
  • Jikkonsistu minn serje ta’ proġetti fi ħdan programm ta’ attivitajiet.

Din l-iskema tinkludi żewġ oqsma ewlenin ta’ fowkus, b’kull qasam jerġa’ jinqasam f’tipi ta’ attivitajiet. L-applikanti jistgħu jagħżlu li jiffukaw fuq qasam jew tip ta’ attività wieħed jew iktar fi ħdan il-proġetti teatrali tagħhom:

  1. Il-prattika u l-produzzjoni tat-teatru, jiġifieri:
    – L-iżvilupp, il-ħolqien, ir-rehearsals, il-produzzjoni, il-preżentazzjoni, u l-wiri ta’ xogħlijiet teatrali ta’ kwalità li jespandu l-modi kif isiru xogħlijiet tat-teatru, u kif dawn jiġu esperjenzati minn artisti, prattikanti, udjenzi, u komunitajiet;
  2. Proġetti li jirrelataw mal-komunitajiet teatrali ta’ Malta bil-ħsieb li jiddokumentaw, jippreservaw, jinterpretaw mill-ġdid, jew li jingaġġaw b’mod kritiku l-wirt teatrali Malti b’mod liberu u sostenibbli. L-involviment tal-udjenza u tal-komunitajiet, jiġifieri:

    – Proġetti u/jew programmar teatrali li jippermettu u jippromwovu l-parteċipazzjoni, l-espressjoni kreattiva, u/jew l-għarfien u l-apprezzament lejn dak li għandu x’jaqsam mal-memorja kollettiva u l-ħajja teatrali u kulturali tal-komunità;
    – L-esplorazzjoni ta’ approċċi parteċipatorji u innovattivi fl-użu ta’ spazji ġodda u fil-parteċipazzjoni tal-udjenza, liema esplorazzjoni għandha l-għan li tiżviluppa esperjenzi immersivi u żżid il-parteċipazzjoni kemm mal-udjenzi eżistenti kif ukoll mal-udjenzi l-ġodda permezz ta’ prattika teatrali u/jew ir-riċerka
    – L-esplorazzjoni ta’ modi ta’ kif jista’ jittejjeb l-aċċess għat-teatru u kif jistgħu jiġu promossi parteċipazzjoni u diversità ikbar fit-teatru.

Din l-iskema tagħti appoġġ lill-produtturi ta’ xogħlijiet teatrali, lill-produtturi, lill-kumpaniji, lill-kooperattivi reġistrati, lill-organizzazzjonijiet volontarji, u lil komunitajiet permezz ta’ fażijiet ta’ żvilupp u ta’ implimentazzjoni, u tkopri l-ħin u r-riżorsi meħtieġa għar-riċerka, l-iżvilupp, ir-rehearsals, il-produzzjoni, il-preżentazzjoni, u l-parteċipazzjoni mill-udjenza. Barra minn hekk, l-għan tal-iskema hu li jinvesti fil-fażi tar-riċerka u l-iżvilupp fejn l-applikanti għandhom jiddedikaw minimu ta’ Euro 10,000 mill-għotja biex jappoġġjaw l-proċess kreattiv inizjali.

F’konformità mal-impenn tal-KMA li jappoġġa l-arti permezz ta’ approċċ sostenibbli u affidabbli lejn l-investiment pubbliku:

L-applikanti huma mħeġġa li jqisu sew, kif xieraq, il-prinċipji kif inhuma spjegati fil-Pakkett tar-Riżorsi – Dritt għall-Kultura meta jiżviluppaw il-proposta tagħhom dwar kif se jinvolvu ruħhom mal-kollaboraturi, l-udjenzi, il-parteċipanti, u l-komunitajiet permezz tal-prattika tat-teatru.

L-applikanti huma mistennija jikkunsidraw ukoll, kif xieraq, il-prinċipji ewlenin spjegati fil-Karta għall-Istatus tal-Artist meta jipproponu l-attivitajiet operattivi u tal-programmazzjoni tagħhom fi ħdan il-qafas tal-prattika u tal-produzzjoni teatrali.

Applicants under this scheme must qualify as one of the following:

  • Professjonisti kreattivi/artisti individwali
  • Entitajiet reġistrati mar-Reġistru tan-Negozji ta’ Malta (inkluż kumpaniji, sħubijiet, fondazzjonijiet, u organizzazzjonijiet/assoċjazzjonijiet);
  • Gruppi, kollettivi, u konsorzja;
  • Koperattivi reġistrati;
  • Voluntary organisations enrolled with the Commissioner for Voluntary

L-iskema għandha żewġ għażliet: għażla ta’ għajnuna mill-istat u għażla ta’ għajnuna mhux mill-istat. Jekk jogħġbok, irreferi għad-9 Taqsima ta’ dawn il-linji gwida u regolamenti għal informazzjoni dwar l-applikabbiltà tar-regoli ta’ għajnuna mill-istat għall-applikanti/proġetti.

Agħfas hawn biex tniżżel il-linji gwida u agħfas hawn biex tniżżel il-mudell tal-applikazzjoni.

Skadenza għall-applikazzjonijiet: 9 ta’ Ġunju f’nofsinhar

Klassifika

 

Benefiċjarju: The New Victorians
Numru ta’ referenza: TPS56-26-9355
Titlu tal-Proġett: Tingo: The Tuneless Bird
Ammont mogħti: €60,000

Il-ħolqien ta’ mużikal ġdid, oriġinali u multilingwi, li jinkludi pupazzi fuq skala kbira u ensemble ta’ 6 mużiċisti-atturi. Spettaklu għall-familja li jittratta t-temi tal-migrazzjoni, l-integrazzjoni u l-ambjent. Ingħaqad ma’ għasafar li joħolqu l-mużika filwaqt illi jaqsmu l-avventuri tal-avjazzjoni tagħhom u jippruvaw jiskopru l-verità dwar mnejn tassew ġie Tingo: L-Għasfur Mingħajr Ton, u għaliex m’għandu ebda mod kif qatt jista’ jmur lura.
Bil-ħolqien tal-mużika u l-kunċett minn The New Victorians, b’pupazzi minn Matthew Pandolfino, b’disinn tas-sett minn Matthew Cassar u skript oriġinali minn Erin Carter, din tipprometti esperjenza teatrali unika għall-familja kollha li mistennija tiġi ppreżentata għall-ewwel darba fil-Festival Internazzjonali tat-Tfal ta’ Ziguzajg 2027. Il-proċess ta’ riċerka u żvilupp ser ikun iffaċilitat mill-kordinaturi tal-komunità Dance Beyond Borders bl-appoġġ tad-Delegat tal-Kultura tal-Arċisqof.
L-anteprima ser tkun akkumpanjata minn reġistrazzjoni ta’ album tal-kast u minn pakkett ta’ riżorsi edukattivi.

 

Benefiċjarju: Angela Bettoni

Numru ta’ referenza: Żvilupp u Preżentazzjoni ta’ ‘Inner Demons’ (titlu proviżorju)

Titlu tal-proġett: TPS44-26-9329

Ammont mogħti: €59,779
Angela Bettoni hi artista, kittieba u attivista bis-Sindromu Down. Dan il-proġett ikopri r-Riċerka u l-Iżvilupp (R&Ż) u l-produzzjoni ta’ Inner Demons – prestazzjoni bbażata fuq l-iskript oriġinali tagħha. Il-fażi tar-Riċerka u l-Iżvilupp ser tesplora tekniki awdjoviżivi u moviment għar-rakkont tal-istejjer, qabelxejn għax l-iskript jinkludi ħafna teatru fiżiku/żfin. Dan għax Bettoni rrealizzat li dan jagħmel kollox aktar aċċessibbli għal artisti b’diżabbiltà. Il-kollaboraturi ewlenin tagħha huma Suzanne Lofthus minn Cutting Edge Theatre Scotland (direttriċi), Douglas Comley (koreografu), l-artist b’diżabbiltà Aristide Rontini (koreografu mistieden) u Benji Cachia (mużika). Il-proġett huwa fost l-ewwel xogħlijiet li jtella’ produzzjoni fittizja minn kittieba bis-Sindromu Down bi rwol ewlieni. Dan ser jagħti lil Bettoni pjattaforma biex tippreżenta x-xogħol tagħha u tiżviluppa ħiliet bikrija fid-direzzjoni. Dan il-proġett għandu l-għan ukoll li jkattar l-opportunitajiet għal artisti żgħażagħ oħra b’diżabbiltà fit-tagħlim biex jitħarrġu u jagħtu wirjiet f’ambjent b’abbiltajiet diversi.

Benefiċjarju: Benjamin Abela
Numru ta’ referenza: TPS19-26-9194
Titlu tal-Proġett: KONTRAKURRENT
Ammont mogħti: €31,721
Ambjentat f’Malta alternattiva, KONTRAKURRENT (titlu proviżorju) isegwi żewġ aħwa maqbuda fl-implikazzjonijiet tal-EXCO – konglomerat multinazzjonali tal-enerġija li jkun qiegħed iżarma l-monopolju tal-fjuwil tal-pajjiż filwaqt illi jnaddaf b’mod ekoloġiku l-immaġni tiegħu barra minn Malta permezz ta’ pipeline għall-qbid tal-karbonju. Rex, eks naddaf tat-tankijiet tal-fjuwil radikalizzat u JP, avukat li qiegħed ifittex bidu ġdid ’il bogħod mid-dar, jinkorporaw żewġ riponsi għall-istess kriżi: ir-reżistenza u l-ħarba. L-istejjer tagħhom, għalkemm hemm bejniethom sena, jiżvolġu b’mod simultanju fuq il-palk u jippermettu lil dan ix-xogħol iressaq l-argumenti ewlenin tiegħu dwar l-(im)possibbiltà li jingħelbu l-forzi sistemiċi kemm b’mod drammatiku kif ukoll b’mod strutturali.
Żviluppata fi sħubija ma’ Friends of the Earth Malta, din il-produzzjoni hi appoġġata minn workshops ta’ żvilupp integrati mal-attivisti, għarfien minn professjonisti tal-klima u riċerki sinifikanti. Il-proċess ser jinkludi wkoll workshops dwar l-ekoansjetà maħsuba għal attivisti żgħażagħ, panel ta’ diskussjoni wara l-ispettaklu u wirjiet sopratitolati kemm għal udjenzi bla smiegħ kif ukoll għal dawk li ma jafux l-ilsien Malti.

 

Benefiċjarju: Culture Venture
Numru ta’ referenza: TPS40-26-9315
Titlu tal-Proġett: Tal-Ostralja
Ammont mogħti: €60,000

Tal-Ostralja huwa proġett teatrali dokumentarju f’diversi fażijiet illi jesplora l-migrazzjoni interġenerazzjonali Maltija-Awstraljana permezz tal-esperjenzi mgħejuxa u x-xhieda orali tan-nisa.
Imsejjes fuq mistoqsijiet dwar l-identità – għaliex nippreżervaw ċerti frammenti tal-kultura u għaliex it-tluq mid-dar jista’ jkun kemm rottura kif ukoll liberazzjoni – dan il-proġett jiġbor testimonjanzi minn komunitajiet tad-dijaspora f’Melbourne, fejn aktar minn 80,000 persuna jidentifikaw ruħhom bħala antenati Maltin. Billi tieħu lin-nisa bħala l-punt tat-tluq primarju tagħha, ir-riċerka tikkonċentra fuq l-intern domestiku bħala arkivju ħaj: oġġetti, ritwali u lingwa li jippreżervaw frammenti ta’ patrija li diġà nbidlet. Ix-xogħol jiżviluppa dramaturġija fejn it-traduzzjoni bejn il-lingwi, il-ġenerazzjonijiet, il-memorja u l-invenzjoni ssir mezz teatrali.
Bi tliet fażijiet minn Settembru 2026 sa April 2028, il-produzzjoni ser titnieda f’Malta bħala xogħol illi kapaċi jivvjaġġa lejn l-Awstralja u lil hinn.

Benefiċjarju: Jean Paul Mifsud
Numru ta’ referenza: TPS37-26-9303
Titlu tal-Proġett: Xummiemu – il-mużikal
Ammont mogħti: €60,000

Xummiemu: Il-Musical hija produzzjoni teatrali ġdida Maltija għall-familja li timmaġina mill-ġdid wieħed mill-aktar karattri ambjentali rikonoxxibbli ta’ Malta permezz tal-pupazzi, tal-mużika oriġinali u ta’ rakkont ta’ stejjer kontemporanji.
L-istorja ssegwi lil Xummiemu li qed jixjieħ hekk kif jitħabat biex isib rilevanza f’dinja li qed tinbidel malajr. Meta figura ambjentali żagħżugħa, Xumi, toħroġ bħala l-vuċi ta’ ġenerazzjoni ġdida, iż-żewġ karattri jibdew vjaġġ li jesplora l-memorja, l-identità, il-wirt u r-responsabbiltà ambjentali.
Żviluppat permezz ta’ kollaborazzjoni bejn Jean Paul Mifsud, Teatru Malta u l-Gozo International Puppet Festival, il-proġett jgħaqqad pupazzi fuq skala kbira, prestazzjoni diretta u mużika oriġinali biex joħloq esperjenza teatrali aċċessibbli għat-tfal, għall-familji u għal udjenzi adulti.
Fin il-produzzjoni għandha l-għan li tagħti kontribut favur l-iżvilupp tat-teatru u tal-pupazzi Maltin filwaqt li toħloq ukoll xogħol kontemporanju msejjes fuq il-memorja kulturali lokali u d-djalogu interġenerazzjonali.

 

Benefiċjarju: Brandon Terribile
Numru ta’ referenza: TPS09-26-9103
Titlu tal-Proġett: The Things They Never Taught Us
Ammont mogħti: €40,000

The Things They Never Taught Us huwa thriller sensorjali immersiv oriġinali ambjentat f’Malta fil-bidu tas-snin 2000.
Sammy għandu sittax-il sena. Minkejja li għandu l-ispettru tal-awtiżmu, determinat li juri li xorta jista’ jgħix b’mod indipendenti. Iżda meta jitlaq mis-sigurtà tad-dar isib riħu mixħut f’dinja ferm aktar perikoluża u imprevedibbli milli qatt kien immaġina.
Armat biss bil-lezzjonijiet tal-ħajja mgħallma lilu mill-għalliema preċedenti tiegħu Claire, Sammy jrid jinnaviga ambjenti xejn familjari, inkontri minaċċjużi u sitwazzjonijiet fejn kull deċiżjoni tista’ tfisser id-differenza bejn is-sigurtà u d-diżastru. Iżjed ma r-riskji ta’ madwaru jeskalaw il-vjaġġ tiegħu għall-indipendenza kulma jmur isir dejjem iżjed ġlieda għas-sopravivenza.
Permezz ta’ presrazzjoni immersiva, il-projezzjoni, il-ħoss, il-moviment u r-rakkont sensorjali, l-udjenzi jġarrbu d-dinja mill-perspettiva ta’ Sammy fi storja ta’ reżiljenza, kuraġġ u l-istint tal-għajxien.

 

Benefiċjarju: Anthony Vassallo
Numru ta’ referenza: TPS42-26-9322
Titlu tal-Proġett: ĠIĠA
Ammont mogħti: €48,000

ĠIĠA – Il-Qtil tas-Seklu hi produzzjoni teatrali Maltija ġdida mnebbħa mill-pubblikazzjoni milqugħa ta’ Raymond G. Zammit Ġiġa: Ħamsin Sena Wara (1960–2010). Il-produzzjoni terġa’ żżur wieħed mill-aktar każi infami ta’ qtil f’Malta.
Il-produzzjoni tittrasforma d-dokumentazzjoni storika, ir-testimonjanzi personali u r-riċerka arkivjali f’esperjenza teatrali konvinċenti li tesplora bosta temi, fosthom il-verità, il-ġustizzja, il-memorja u l-perċezzjoni pubblika. Żviluppat mill-produtturi Carlos Farrugia u Tonio Vassallo, il-kittieb tal-iskript Lon Chircop, id-direttur Joseph Galea, id-disinjatur tal-palk Pierre Portelli u l-maniġer tal-produzzjoni Josue Formosa, dan il-proġett jgħaqqad l-eċċellenza artistika mal-awtentiċità storika. Il-proċess kreattiv huwa appoġġat mill-konsulenta Carmen Aquilina, bint Ġiġa, il-konsulent storiku Fabian Demicoli u l-konsulenta legali Dr. Anthea D’Anastas. Permezz ta’ prestazzjoni innovattiva, inizjattivi ta’ involviment tal-udjenza u l-użu propost ta’ sottotitoli bl-Ingliż, din il-produzzjoni għandha l-għan li tilħaq udjenzi diversi filwaqt illi tikkontribwixxi għall-pajsaġġ kulturali u teatrali lokali.

 

Benefiċjarju: Jamie Cardona
Numru ta’ referenza: TPS60-26-9362
Titolu tal-Proġett: ĠENERAZZJONI TA’ MEQRUDIN / Il-JUKEBOX MUSICAL TAL-IXTRUPPAW
Ammont mogħti: €60,000

ĠENERAZZJONI TA’ MEQRUDIN huwa jukebox musical bil-Malti. Mibni madwar il-kanzunetti, il-ħoss u l-patrimonju kulturali tal-grupp Rock Malti Xtruppaw – magħrufa għat-twelid mill-ġdid tal-mużika Maltija – din il-produzzjoni aktar mistennija toħloq storja mill-ġdida pjuttost milli kunċert jew bijografija. Ir-repertorju ta’ Xtruppaw ser imexxi in-narrattiva, il-karattri, il-konnessjoni, l-umoriżmu u l-iżvilupp emozzjonali. Imsejjes fuq Malta kontemporanja, il-musical ser jesplora x-xjenza fittizja, ir-realtajiet soċjopolitiċi ta’ Malta, il-maskulinità, in-nostalġija u l-kontroll tas-sistema. Il-lingwaġġ teatrali tiegħu ser jgħaqqad l-enerġija tar-Rock Alternattiv Malti mal-iskala u mal-arkitettura drammatika tat-teatru mużikali.
Żviluppat permezz ta’ riċerka, xogħol kollettiv, workshops mal-grupp, qari u esperimentazzjoni mużikali, din il-produzzjoni ser tilqa’ s-segwaċi eżistenti ta’ Xtruppaw filwaqt li tibqa’ wkoll aċċessibbli għalkollox għall-udjenzi li ser jiltaqgħu mal-mużika tal-grupp għall-ewwel darba.

 

Benefiċjarju: Tyrone Grima
Numru ta’ referenza: TPS05-26-9008
Titlu tal-Proġett: Kwir Ester
Ammont mogħti: €20,500

Dan il-proġett hu produzzjoni teatrali bbażata fuq il-Ktieb ta’ Ester tat-Testment il-Qadim, bl-inklużjoni u d-diversità fil-qalba tagħha. F’dan id-dramm atturi gender queer jew genderfluid ser jinterpretaw l-ewnuki illi fil-kultura Persjana kienu kkunsidrati bħala t-tielet sess. Għalhekk il-kast ser ikun ta’ identità mħallta, b’artisti li jidentifikaw ruħhom bħala cisgender (bi rwoli cisgender), artisti li jidentifikaw ruħhom bħala genderqueer (bi rwoli genderqueer), artisti li jidentifikaw ruħhom bħala queer kif ukoll oħrajn li jidentifikaw ruħhom bħala eterosesswali. Il-camp u t- travestitiżmu huma wkoll aspetti kruċjali ta’ dan il-proġett. Il-proġett ser jinkludi wkoll workshops dwar il-metodoloġija tal-queering tal-Bibbja.